Məzənnələrin yanvarı
Novator.az xarici valyutaların rəsmi məzənnələrinin yanvar ayında necə dəyişməsinə nəzər salıb.
Avro 2020-ci ilə 1,9025 manatla başlayıb. Yanvarın 8-dən rəsmi kurs 1 manat 90 qəpikdən aşağı olub, ay 1,8730 manatla yekunlaşıb.
Gürcüstan larisi 0,5947 manatla start götürüb, yanvara 0,5871 manatla nöqtə qoyulub.
Rusiya rublu ilə 0,0275 manatla girib, yanvarda maksimal qiymət 0,0278 manat olub.
Türkiyə lirəsi yola 0,2849 manatla çıxıb. Yanvarda rəsmi məzənnənin zirvəsi 0,2895 manat həddində rəsmiləşib.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait sərf edib. 2016-cı ildə analoji xərc 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
