Sosial bərabərlik reytinqi: Azərbaycan 5-cidir
Gini əmsalına əsaslanan Dünya İqtisadi Forumu sosial bərabərlik reytinqi yayıb. Novator.az-ın məlumatına görə, iqtisadçı Rövşən Ağayev bildirir ki, Azərbaycan 0,266 əmsalla sosial bərabərliyin ən yüksək səviyyədə təmin olunduğu 5-ci ölkədir.
Gini əmsalı amerikalı iqtisadçı Maks Otto Lorensin adı ilə bağlı olan Lorens əyrisinin köməkliyi ilə hesablanır və 0-1 intervalında dəyişir (0 tam bərabərliyi, 1 qeyri-bərabərliyi əks etdirir). Ən zəngin 20%-lik qrupla ən yoxsul 20%-lik qrup arasında gəlir fərqi nə qədər böyük olarsa, Gini əmsalı 1-ə o qədər yaxınlaşır və gəlirdə qeyri-bərabərliyin yüksək olduğunu əks etdirir.
Dünya İqtisadi Forumunun sosial bərabərlik reytinqinə Ukrayna (0,250) başçılıq edir. Bu ölkəni Sloveniya (0,254), Çexiya (0,259) və Slovakiya (0,265) izləyir.
Namibiya (0,591), Zambiya (0,571), Lesoto (0,542), Botsvana və Braziliya (0,533) isə sosial bərabərlik sarıdan ən pis ölkələr sayılıb.
