Mehmanxana biznesi nə qədər qazanıb?
Dövlət Statistika Komitəsi mehmanxana və mehmanxana tipli müəssisələrin fəaliyyəti haqqında hesabat yayıb. Novator.az bildirir ki, rəsmi məlumata görə, 2019-cu ildə Azərbaycanın mehmanxanalarında 3 milyon 345,3 min gecələmə keçirilib, bu da 2018-ci illə müqayisədə 11,4 faiz çoxdur: “Gecələmələrin 57,7 faizi Bakının, 9 faizi Qəbələnin, 7,9 faizi Qubanın, 4,4 faizi Xaçmazın, 3,7 faizi Naftalanın, 2,8 faizi Qusarın, 2,7 faizi Naxçıvan Muxtar Respublikasının, 1,2 faizi Lənkəranın, qalanı digər bölgələrin payına düşüb.
Əcnəbilər və vətəndaşlığı olmayan şəxslərin keçirdiyi gecələmələrin sayı əvvəlki ilə nisbətən 9,3 faiz artıb.
Mehmanxanaların gəlirləri əvvəlki illə müqayisədə 25,2 faiz çox və ya 450,2 milyon manat olub”.
