Epidemiya: Nazirlər Kabineti qərarlar verdi
Yanvarın 28-i Nazirlər Kabinetində Çində yayılmış və dünyanın başqa regionlarında da qeydə alınmış koronavirus epidemiyasına qarşı qabaqlayıcı tədbirlər müşavirəsi keçirilib. Rəsmi məlumata görə, baş nazir Əli Əsədovun sədrlik etdiyi müşavirəyə aidiyyəti dövlət qurumlarının rəhbərləri qatılıb.
Yekunda bu tədbirlərin görülməsi haqda qərar çıxarılıb: sərhəd-keçid məntəqələrində gücləndirilmiş iş rejiminə keçilməsi; Çindən, xüsusilə epidemiya zonasından ölkəyə gələn bütün şəxslərin mütləq şəkildə ciddi tibbi müayinədən keçirilməsi və nəzarət altına alınması; xüsusi riskli hesab olunan və virusun keçə biləcəyi ərzaq məhsullarının siyahısının hazırlanması və ərzaq bazarında həmin məhsullara nəzarətin gücləndirilməsi; səhiyyə ocaqlarında qaynar xətlərin yaradılması; virus və onunla mübarizə metodları haqda əhali ilə maarifləndirmə işlərinin aparılması; vəziyyətlə bağlı əhaliyə mütəmadi məlumat verilməsi.
Müşavirədə səhiyyə nazirinin rəhbərliyi və aidiyyəti qurumların iştirakı ilə işçi qrupunun yaradılması qərarına gəlinib.
Korona virusundan necə qorunmalı?
