Azərbaycan nefti 11 dollardan çox ucuzlaşıb
Energetika Nazirliyinin 28 yanvar məlumatına görə, London birjasında brent markalı neftin barreli 59,13 dollara, Nyu-York birjasında layt markalı neftin barreli 53,03 dollara satılır. Azərbaycan nefti “AzəriLayt”ın barrelinə 58,35 dollar qiymət qoyulub.
Azərbaycanın 2020-ci il büdcəsində neftin qiyməti 55 dollardan götürülüb. “AzəriLayt” ilə 70,04 dollarla başlayıb və yanvarın 28-dək 11,69 dollar ucuzlaşıb.
İri neft ixracatçılarını birləşdirən OPEK-in və bir neçə qeyri-OPEK ölkəsinin əldə etdiyi razılaşmaya əsasən, 2020-ci ilin yanvarından Azərbaycan gündəlik neft hasilatını 769 min barrel həcmində saxlamalıdır.
