Kurs dəyişmələri
Yanvarın 27-də avronun rəsmi məzənnəsi 1,8748 manata düşüb. Novator.az-ın məlumatına görə, dəyər itirən Gürcüstan larisi banklara 0,5889, İngiltərə funt sterlinqi 2,22, Rusiya rublu 0,0273, Türkiyə lirəsi 0,2858 manata təklif olunur.
Mərkəzi Bank ABŞ dollarının kursunu 1,7 manat həddində saxlayıb, bahalaşan Çin yuanını isə 0,2460 manata satır (Valyutalar).
Dolların indiki qiyməti 2018-ci il martın 7-dən qüvvədədir. Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb. Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
