10 min nəfərə 33 həkim
Dövlət büdcəsindən səhiyyə sahəsinə ayrılan vəsaitin məbləği 2019-cu ildə əvvəlki illə müqayisədə 46,9 faiz artırılaraq 1 milyard 42,5 milyon manata çatdırılıb. Novator.az-ın məlumatına görə, Dövlət Statistika Komitəsi belə hesabat yayıb.
Rəsmi məlumatda qeyd olunur ki, 2020-ci ilin əvvəlinə Azərbaycanda 32,6 min həkim və 54,2 min orta tibb işçisinin çalışdığı 565 xəstəxana və 1745 ambulatoriya-poliklinika müəssisəsi fəaliyyət göstərib, əhalinin hər 10 min nəfərinə orta hesabla 33 həkim, 54 orta tibb işçisi düşüb.
Hesabata əsasən, ötən il qeydə alınmış xəstəliklər arasında tənəffüs, əsəb sistemi və hissiyyat orqanlarının, həzm orqanlarının, qan dövranı sisteminin, sidik-cinsiyyət sisteminin xəstəlikləri, eləcə də qan, qanyaradıcı orqanların xəstəlikləri üstünlük təşkil edib.
