Neftin qiyməti
London birjasında brent markalı neftin barreli 62,29 dollara, Nyu-York birjasında layt markalı neftin barreli 55,84 dollara satılır. Xəbəri yanvarın 24-də Energetika Nazirliyi yayıb.
Novator.az bildirir ki, Azərbaycan nefti “AzəriLayt”ın barrelinə 65,71 dollar qiymət qoyulub.
Azərbaycanın 2020-ci il büdcəsində neftin qiyməti 55 dollardan götürülüb. “AzəriLayt” ilə 70,04 dollarla başlayıb.
Dövlət Statistika Komitəsi 2019-cu il üzrə xam neftin əmtəəlik hasilatını 37,4 milyon ton göstərib.
2007-ci ildə Azərbaycan 42,6 milyon ton, 2008-ci ildə 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton neft hasil edib.
2011-ci ildə hasilat 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton olub.
Beynəlxalq razılaşmaya əsasən, 2020-ci ilin yanvar ayından Azərbaycan gündəlik neft hasilatını 769 min barrel həcmində saxlamalıdır.
