Rusiya: hökumətdə 17 yenilik var
Rusiyanın yeni hökuməti təsdiqlənib. Yanvarın 21-də prezident Vladimir Putinin rəsmiləşdirdiyi kabinet baş nazirdən, onun 9 müavinindən, 21 nazirdən ibarətdir. Novator.az-ın məlumatına görə, Mixail Mişustinin baş nazirlik etdiyi hökumətdə onun birinci müavini, 5 müavini, 11 nazir (iqtisadi inkişaf; ədliyyə; rəqəmli inkişaf, rabitə və kütləvi kommunikasiyalar; səhiyyə; elm və ali təhsil; maarif; fövqəladə hallar; Uzaq Şərqin və Arktikanın inkişafı; əmək və sosial müdafiə; idman; mədəniyyət nazirləri) yeni şəxslərdir.
Yanvarın 15-də Vladimir Putin ölkə konstitusiyasına yeniliklər təklifi verib. Həmin gün Dmitri Medvedyevin baş nazirlik etdiyi hökumət istefaya gedib. Bu, prezidentə ana qanuna yeniliklər təklifi istiqamətində fəaliyyət imkanı vermək niyyəti ilə əsaslandırılıb.
Yanvarın 16-da Mixail Mişustin baş nazir təyin edilib. 1966-cı il təvəllüdlü Mixail Mişustin 2010-cu ildən Federal Vergi Xidmətinin rəhbəri idi.
Dmitri Medvedyevə isə Təhlükəsizlik Şurası sədrinin müavini vəzifəsi verilib. Bu şuranın sədri postu prezidentə məxsusdur.
Prezident prezidentliyə qadağalar təklif edir
