Pensiyaçılarda mümkün artım rəqəmləri
Dövlət Statistika Komitəsinin məlumatına əsasən, 2020-ci ilin əvvəlinə Azərbaycanda 1 milyon 277,8 min nəfər pensiyaçı qeydə alınıb.
Hazırda Azərbaycanda əmək pensiyasının minimum məbləği 200 manatdır.
Novator.az bildirir ki, bu ildən əmək pensiyasının sığorta hissəsi orta aylıq nominal əməkhaqqının illik artım tempinə uyğun, sığortaolunanların fərdi hesabının sığorta hissəsində qeydə alınan pensiya kapitalı isə istehlak qiymətləri indeksinin illik səviyyəsinə uyğun indeksləşdirilir.
Əmək pensiyasının sığorta hissəsi fərdi hesabın sığorta hissəsində qeydə alınmış pensiya kapitalının gözlənən pensiya ödənişi müddətinin aylarının sayına (144 ay) nisbəti şəklində hesablanan məbləğ, pensiya kapitalı fərdi hesabın sığorta hissəsində qeydə alınan və fərdi hesabın yığım hissəsində toplanan vəsaitlərin məbləğidir.
İndeksləşdirmə Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunan rəsmi bilgi əsas götürülməklə həyata keçirilir.
Dövlət Statistika Komitəsinin hesabatına əsasən, 2019-cu il dekabrın 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 15,4 faiz artıb.
2019-cu ildə istehlak məhsulları və xidmətlərin isə 2018-ci ilə nisbətən 2,6 faiz bahalaşdığı açıqlanıb.
