İki rəsmi komissiya yeniləndi
Dövlət başçısı İlham Əliyev iki rəsmi komissiyanın tərkibini yeniləyən sərəncamlar imzalayıb. Novator.az-ın məlumatına görə, Prezident yanında Vətəndaşlıq Məsələləri Komissiyasının tərkibi belə müəyyən olunub:
Prezident Administrasiyasının rəhbəri (sədr)
Prezident Administrasiyasının hüquq mühafizə orqanları ilə iş şöbəsinin müdiri
Prezident Administrasiyasının xarici siyasət məsələləri şöbəsinin müdiri
Prezident Administrasiyasının qanunvericilik və hüquq siyasəti şöbəsinin müdiri
Prezident Administrasiyasının hüquq ekspertizası şöbəsinin müdiri
Prezident Administrasiyasının vətəndaşların müraciətləri ilə iş şöbəsinin müdiri
Daxili işlər naziri
Xarici işlər naziri
Dövlət Miqrasiya Xidmətinin rəisi
Dövlət Təhlükəsizliyi Xidmətinin rəisi
Xarici Kəşfiyyat Xidmətinin rəisi
Komissiyanın katibi postu Prezident Administrasiyasının hüquq mühafizə orqanları ilə iş şöbəsinin miqrasiya və vətəndaşlıq məsələləri sektorunun müdirinə həvalə olunub.
Digər qərara əsasən, Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasına Dövlət Təhlükəsizliyi Xidmətinin rəisi sədrlik edəcək.
Komissiyanın üzvləri bu vəzifələri tutan şəxslərdir: müdafiə nazirinin müavini, daxili işlər nazirinin müavini, xarici işlər nazirinin müavini, ədliyyə nazirinin müavini, səhiyyə nazirinin müavini, əmək və əhalinin sosial müdafiəsi nazirinin müavini, baş prokurorun müavini – hərbi prokuror, Xarici Kəşfiyyat Xidməti rəisinin müavini, Dövlət Sərhəd Xidməti rəisinin müavini, Səfərbərlik və Hərbi Xidmətə Çağırış üzrə Dövlət Xidməti rəisinin müavini, Dövlət Miqrasiya Xidməti rəisinin müavini, Qaçqınların və Məcburi Köçkünlərin İşləri üzrə Dövlət Komitəsi sədrinin müavini, Ailə, Qadın və Uşaq Problemləri üzrə Dövlət Komitəsi sədrinin müavini, Milli Elmlər Akademiyasının vitse-prezidenti, Qeyri-Hökumət Təşkilatlarına Dövlət Dəstəyi Şurasının sədri, AZƏRTAC-ın İdarə Heyətinin sədri, Azərbaycan Qızıl Aypara Cəmiyyətinin prezidenti, “Dağlıq Qarabağ bölgəsinin azərbaycanlı icması” İctimai Birliyinin İdarə Heyətinin sədri.
Komissiyanın işçi qrupunun rəhbəri eyni zamanda katib funksiyasını yerinə yetirəcək.
