Gələnlərin sayı 11 faiz artıb
Yanvarın 15-də Dövlət Miqrasiya Xidmətində 2019-cu ilin yekunlarına həsr olunmuş mətbuat konfransı keçirilib. Rəsmi məlumata görə, Dövlət Miqrasiya Xidmətinin rəisi Vüsal Hüseynov deyib ki, 2019-cu ildə ölkəyə daxil olan əcnəbilərin sayı əvvəlki illə müqayisədə 11 faiz, ölkədə müvəqqəti yaşayanların sayı 10 faiz, iş icazəsi alanların sayı 8 faiz, qaçqın statusu üçün müraciətlər 7 faiz artıb.
Hesabata əsasən, miqrasiya qanunvericiliyinin tələblərinin pozulması ilə bağlı qəbul edilmiş qərarların sayında 23 faiz azalma olub.
