Büdcənin icrası
Maliyyə Nazirliyi illik büdcə hesabatı açıqlayıb. Rəsmi məlumata görə, 2019-cu ildə dövlət büdcəsinin gəlirləri 24 milyard 199,6 milyon manat, xərcləri 24 milyard 404,8 milyon manat olub.
Vergi orqanlarının xətti ilə dövlət büdcəsinə 7 milyard 672,1 milyon manat, gömrük orqanlarının xətti ilə 4 milyard 408,6 milyon manat gəldiyi, Dövlət Neft Fondundan 11 milyard 364,3 milyon manat köçürüldüyü bildirilir.
Dövlət büdcəsindən maliyyələşdirilən təşkilatların ödənişli xidmətlərindən daxilolma 590,1 milyon manat, sair daxilolmalar 164,5 milyon manat göstərilir.
Qeyd olunur ki, 2019-cu ildə dövlət büdcəsi xərclərinin 55,4 faizi cari xərclərə, 38,4 faizi əsaslı xərclərə, 6,2 faizi dövlət borcuna və öhdəliklərinə xidmətlə bağlı xərclərə yönəldilib, büdcə kəsiri 205,2 milyon manat təşkil edib.
