Talıbova yubiley təltifi
Prezident İlham Əliyev Naxçıvan Muxtar Respublikası Ali Məclisinin sədri Vasif Talıbovu “Şərəf” ordeni ilə təltif edib. Təltif dövlət quruculuğu işlərində xüsusi xidmətlərlə əsaslandırılıb.
Yanvarın 14-də Vasif Talıbovun 60 yaşı tamam olub.
Novator.az bildirir ki, Vasif Talıbov 1960-cı ildə Şərurun Aşağı Aralıq kəndində doğulub. Naxçıvan Dövlət Pedaqoji İnstitutunun (indiki Naxçıvan Dövlət Universiteti) tarix-filologiya fakültəsini və Bakı Dövlət Universitetinin hüquq fakültəsini bitirib.
1991-ci ildən Naxçıvan Muxtar Respublikası Ali Məclisi sədrinin baş köməkçisi, 1994-cü ildən Naxçıvan Muxtar Respublikası baş nazirinin xarici-iqtisadi əlaqələr üzrə birinci müavini vəzifələrində çalışıb.
1995-ci ildən Azərbaycan Respublikası Milli Məclisinin üzvü və Naxçıvan Muxtar Respublikası Ali Məclisinin sədridir.
Yeni Azərbaycan Partiyası İdarə Heyətinin üzvüdür.
“Şöhrət” ordeni laureatıdır.
