Sabitlik və dəyişmələr
Yanvarın 14-də ABŞ dollarının rəsmi kursu 1,7 manat səviyyəsində saxlanıb. Bu qiymət 2018-ci il martın 7-dən qüvvədədir.
Novator.az-ın məlumatına görə, Rusiya rublunun məzənnəsi də dəyişməyib: 0,0278 manat.
Mərkəzi Bank bahalaşan avroya 1,8932 manat qiymət qoyub.
Dəyər itirən Gürcüstan larisi banklara 0,5893, Türkiyə lirəsi 0,2893 manata təklif olunur (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
