88 nəfər işə bərpa olunub
Dövlət Əmək Müfəttişliyi Xidməti 2019-cu ildə vətəndaş müraciətlərini araşdırarkən 88 işçinin əmək müqavilələrinə qanunsuz xitam verildiyini müəyyən edib. Əmək və Əhalinin Sosial Müdafiəsi Nazirliyi bildirir ki, görülən tədbirlər nəticəsində həmin işçilər əvvəlki işlərinə bərpa olunublar.
Hesabata görə, işəgötürənlərin 178,7 min manat məbləğində sosial ödənişləri işçilərə ödənməsini gecikdirdiyi üzə çıxıb. Həmin vəsaitin işçilərə ödənməsi təmin edilib. Ödənilən vəsaitin 95,4 faizi əməkhaqqı, qalan hissəsi müavinət və kompensasiyalar, zərərə görə ödənclərdir.
