Sançesin hökuməti rəsmiləşdi
İspaniyanın yeni hökuməti yanvarın 13-də kral VI Felipenin hüzurunda and içərək fəaliyyətə başlayıb. Novator.az-ın məlumatına görə, Sosialist Fəhlə Partiyasının lideri Pedro Sançesin baş nazirlik etdiyi hökumət onun 4 müavinindən və 18 nazirdən ibarədir.
1972-ci il təvəllüdlü Pedro Sançes hökumətə 2018-ci il iyunun 1-dən başçılıq edir. Sosialistlər ötən il noyabrın 10-da keçirilmiş parlament seçkisində aşağı palataya 120 mandat qazanıb və solçuların Podemos Partiyası ilə (35 mandatı var) koalisiya qurub.
Podemosun lideri Pablo İqlesias baş nazirin müavini kürsüsünə gətirilib, həmçinin partiya dörd nazir portfeli alıb.
22 nəfərlik hökumətin tən yarısı qadınlara qismət olub.
