Sürüşmə sahəsində uçqunlar
Bakının Badamdar qəsəbəsi ilə 20-ci sahə arasında olan magistral avtomobil yolunun sağ yamacındakı sürüşmə ərazisində aktivlik davam edir. Ekologiya və Təbii Sərvətlər Nazirliyinin 10 yanvar məlumatına görə, Milli Geoloji Kəşfiyyat Xidmətinin müşahidələri zamanı sürüşmə sahəsində xırda uçqunlar qeydə alınıb.
Sürüşmə sahəsində yeni aktivləşmə yanvarın 9-u səhərdən başlayıb, torpaq kütləsi Badamdar qəsəbəsi ilə 20-ci sahə arasındakı magistral avtomobil yolunu bağlayıb.
İlkin araşdırmaların nəticələrinə əsasən, sürüşmənin məişət sularının torpağa axıdılması və atmosfer çöküntülərinin təsiri nəticəsində torpaq kütləsinin ağırlaşması səbəbindən baş verdiyi ehtimal olunur.
