Seçki yarışının yeni statistikası
Fevralın 9-na təyin edilmiş parlament seçkisinin yeni statistikası açıqlanıb. Mərkəzi Seçki Komissiyasının 8 yanvar hesabatına görə, seçkiyə 2381 iddiaçı qatılıb, onların 617-si rəsmən qeydə alınıb: 149 nəfər siyasi partiyanın, 6 nəfər təşəbbüs qrupunun namizədidir, 462 nəfər namizədliyini özü irəli sürüb.
Azərbaycan parlamenti – Milli Məclis birmandatlı dairələrdən seçilən 125 deputatdan ibarətdir. Namizədin müdafiəsi üçün onun irəli sürüldüyü seçki dairəsinin ərazisində seçicilərin azı 450 imzası toplanmalı, sənədlər yanvarın 10-dək dairə seçki komissiyalarına təqdim edilməlidir.
Marafonda iştirak edən 20 partiya Mərkəzi Seçki Komissiyasında səlahiyyətli nümayəndələrini rəsmiləşdirib: Yeni Azərbaycan Partiyası, Ümid Partiyası, Vətəndaş Həmrəyliyi Partiyası, Bütöv Azərbaycan Xalq Cəbhəsi Partiyası, Böyük Quruluş Partiyası, Milli Dirçəliş Hərəkatı Partiyası, Milli İstiqlal Partiyası, Demokrat Partiyası, Böyük Azərbaycan Partiyası, Vahid Azərbaycan Partiyası, Ana Vətən Partiyası, Təkamül Partiyası, Müsavat Partiyası, Sosial Rifah Partiyası, Vəhdət Partiyası, Demokratik İslahatlar Partiyası, Liberal Demokrat Partiyası, Demokratik Maarifçilik Partiyası, Müasir Müsavat Partiyası, Vətəndaş və İnkişaf Partiyası.
Təşviqat yanvarın 17-də başlanır.
