Ödənişli seçki təşviqatına qoşulan media qurumları
Mərkəzi Seçki Komissiyası fevralın 9-da keçiriləcək parlament seçkisinin ödənişli təşviqatı üçün müraciət edən media orqanlarının siyahısını açıqlayıb.
Novator.az bildirir ki, ödənişli təşviqatda teleradio qurumlarından yalnız İctimai Televiziya və Radio Yayımları Şirkəti yer alır.
Qəzetlərin siyahısında bu nəşrlər var: “525-ci qəzet”, “Ana Kür”, “Azərbaycan”, “Cənub xəbərləri”, “Cümhuriyət”, “Həftə içi”, “İki sahil”, “Şərq”, “Səs”.
APA qrupuna daxil olan media orqanları, “Trend” və “Səs” agentlikləri, “Yeni Müsavat” Media Qrupu da ödənişli təşviqatda iştirak edəcək.
Saytlar belə sıralanır:
1news.az
Aktual.az
Azedu.az
Azxeber.com
Azpolitika.info
Azvision.az
Baku.news
Bakupost.az
Bizimyol.info
Cebhe.info
Demokrat.az
Editor.az
Fins.az
“Gündəlik Teleqraf”
Xeberle.com
“İnterpress”
İstiqlal.az
Qafqazinfo.az
Media.az
Mediapost.az
Modern.az
Oxu.az
“Poliqon”
Report.az
Veteninfo.az
“Yeni Çağ”.
Azərbaycan parlamenti – Milli Məclis birmandatlı dairələrdən seçilən 125 deputatdan ibarətdir. Son rəsmi hesabata görə, seçkiyə 2381 iddiaçı qatılıb, onların 617-si qeydə alınıb.
Marafonda iştirak edən 20 partiya Mərkəzi Seçki Komissiyasında səlahiyyətli nümayəndələrini rəsmiləşdirib: Yeni Azərbaycan Partiyası, Ümid Partiyası, Vətəndaş Həmrəyliyi Partiyası, Bütöv Azərbaycan Xalq Cəbhəsi Partiyası, Böyük Quruluş Partiyası, Milli Dirçəliş Hərəkatı Partiyası, Milli İstiqlal Partiyası, Demokrat Partiyası, Böyük Azərbaycan Partiyası, Vahid Azərbaycan Partiyası, Ana Vətən Partiyası, Təkamül Partiyası, Müsavat Partiyası, Sosial Rifah Partiyası, Vəhdət Partiyası, Demokratik İslahatlar Partiyası, Liberal Demokrat Partiyası, Demokratik Maarifçilik Partiyası, Müasir Müsavat Partiyası, Vətəndaş və İnkişaf Partiyası.
Təşviqat yanvarın 17-də başlanır.
