Badamdar yenə sürüşdü
Yanvarın 9-u səhər Bakının Badamdar qəsəbəsinin sürüşmə sahəsində yenidən aktivləşmə baş verib. Ekologiya və Təbii Sərvətlər Nazirliyinin məlumatına görə, eni təxminən 100 metrə yaxın olan sürüşmə kütləsi Badamdar qəsəbəsi ilə 20-ci sahə arasındakı magistral avtomobil yoluna doğru hərəkət edib.
Milli Geoloji Kəşfiyyat Xidməti ərazidə monitorinqlər aparır.
Novator.az bildirir ki, eyni məkanda son böyük torpaq sürüşməsi 2018-ci il oktyabrın 12-də olmuş, proses bir aydan çox davam etmişdi.
