Təhsil Nazirliyi bir ildə 227 min 483 müraciət alıb
Təhsil Nazirliyi telefon məlumat mərkəzinə (“Qaynar xətt” xidməti: 146) daxil olan zənglərin və vətəndaşların qəbulu mərkəzində göstərilən xidmətlərin statistikasını açıqlayıb. Rəsmi hesabata görə, 2019-cu ildə mərkəzlərə ümumilikdə 227 min 483 müraciət daxil olub. Telefon məlumat mərkəzində 192 min 153 zəngin qəbul edildiyi, vətəndaşların qəbulu mərkəzində 35 min 330 vətəndaşa xidmət göstərildiyi vurğulanır.
Məlumata əsasən, müraciətlər daha çox müəllimlərin işə qəbulu və yerdəyişməsi, şagirdlərin yerdəyişməsi, ali təhsil sənədlərinin (diplomların) tanınması (nostrifikasiya) və digər bu kimi məsələləri əhatə edib, il ərzində 16 min 780 sənəd (7090 ərizə, 9690 məktub) qəbul olunub.
