Pedro Sançes baş nazir oldu
İspaniya parlamentinin aşağı palatası yanvarın 7-də Sosialist Fəhlə Partiyasının lideri Pedro Sançesi baş nazir postuna təsdiqləyib. Novator.az-ın məlumatına görə, qərar 167 səslə çıxarılıb.
1972-ci il təvəllüdlü Pedro Sançes hökumətə 2018-ci il iyunun 1-dən başçılıq edir.
Sosialistlər ötən il aprelin 28-də keçirilmiş parlament seçkisində qalib gəlib, ancaq koalisiya hökuməti qura bilməyib. 2019-cu ilin 10 noyabr seçkisində Sosialist Fəhlə Partiyası 350 nəfərlik aşağı palataya 120 mandat qazanıb və solçuların Podemos Partiyası ilə (35 mandatı var) koalisiya qurmağa qarar verib.
Baş nazirin təsdiqlənməsi üçün ilk səsvermə yanvarın 5-də olub. İlk turda qələbə üçün 176 səs gərək idi, ancaq sosialistlər 166 səs yığa biliblər. İkinci turda sadə səs çoxluğu kifayət etdiyindən Pedro Sançes hökumət qurmaq hüququ əldə edib.
