Pasportun gücü: yeni reytinq açıqlanıb
İsveçrənin “Henley & Partners” şirkəti vizasız səfər imkanı meyarına əsaslanan pasport reytinqi açıqlayıb. Novator.az bildirir ki, hesabata görə, Litva pasportu 181, Latviya pasportu 180, Estoniya pasportu 179, Ukrayna pasportu 128, Moldova pasportu 120, Rusiya pasportu 118, Gürcüstan pasportu 116, Türkiyə pasportu 111, Qazaxıstan pasportu 76, Belarus pasportu 75, Azərbaycan pasportu 67, Qırğızıstan pasportu 63, Ermənistan pasportu 62, Tacikistan pasportu 58, Özbəkistan pasportu 57, Türkmənistan pasportu 52, İran pasportu 41 ölkəyə vizasız giriş hüququ verir.
Reytinqə başçılıq edən Yaponiya pasportu ilə 191 ölkəyə vizasız səyahət etmək olar.
Rəsmi siyahıya əsasən, Sinqapur pasportu ilə 190, Almaniya və Cənubi Koreya pasportları ilə 189 vizasız getmək mümkündür.
Finlandiya və İtaliya pasportlarının sahibləri 188, Danimarka, Lüksemburq, İspaniya pasportlarının sahibləri 187, Fransa və İsveç pasportlarının sahibləri 186 ölkəyə vizasız səfər edə bilər.
Siyahını Əfqanıstan qapadır. Bu ölkənin pasportu ilə yalnız 26 ölkəyə vizasız girmək imkanı var.
