Avropa meydanlarında
İspaniya milli futbol çempionatında ilk dövrə arxada qalıb. Novator.az-ın məlumatına görə, 19 turdan sonra “Barselona” və “Real” 40 xalla öndə dururlar. “Atletiko” və “Sevilya” 35 xal götürüblər.
İtaliya çempionatında “İnter” və “Yuventus” 18 oyuna 45 xalla ilk sıranı bölüşürlər. “Latsio” 17 oyunda 39, “Roma” 18 oyunda 35, “Atalanta” 34 xal qazanıb.
İngiltərə çempionatında 20 oyuna 58 xal yığan “Liverpul” liderdir. 21 oyun keçirən “Lester”in 45, “Mançester Siti”nin 44, “Çelsi”nin 36 xalı var.
Avropanın digər iki aparıcı çempionatı qış fasiləsindədir.
Almaniya çempionatında 17 turdan sonra “Leypsiq” 37 xalla öndədir. “Borussiya” (Mönhenqladbah) 35, “Bavariya” 33, “Borussiya” (Dortmund) və “Şalke” 30 xal yığıb.
Tətil yanvarın 17-də başa çatacaq.
Yanvarın 10-dək nəfəs dərən Fransa çempionatında PSJ 18 oyuna 45, “Marsel” 19 oyuna 38, “Renn” 18 oyuna 33, “Lill” 19 oyuna 31 xal əldə edib.
