Neft Fondunun büdcəsi rəsmiləşib
Prezident İlham Əliyev Dövlət Neft Fondunun 2020-ci il büdcəsini təsdiqləyib. Fərmana görə, fondun gəlirləri 12 milyard 384 milyon 88,2 min manat, xərcləri 11 milyard 589 milyon 910,3 min manat məbləğində rəsmiləşir.
Xərc istiqamətləri belədir: 2020-ci ilin dövlət büdcəsinə transfert – 11 milyard 350 milyon manat; məcburi köçkünlərin sosial-məişət və məskunlaşma məsələləri ilə bağlı tədbirlərin maliyyələşdirilməsi – 200 milyon manat; 2019-2023-cü illərdə ali təhsil sisteminin beynəlxalq rəqabətliliyinin artırılması üzrə dövlət proqramının maliyyələşdirilməsi – 10 milyon manat; fondun idarə edilməsi ilə bağlı xərclər – 29 milyon 910,3 min manat.
