Hamı yatmış, ingilislər oyaq…
İngiltərə milli futbol çempionatı 2019-cu ilə nöqtə qoyub. Novator.az bildirir ki, hazırda 19 oyuna 55 xal yığan “Liverpul” şəriksiz liderdir. 20 oyun keçirən “Lester”in 42, “Mançester Siti”nin 41, “Çelsi”nin 35, “Mançester Yunayted”in 31, “Tottenhem” və “Vulverhempton”un 30 xalı var.
Növbəti tur 2020-ci il yanvarın 1-nə təyin olunub.
Avropanın digər dörd aparıcı çempionatı qış fasiləsindədir.
Almaniya çempionatında 17 turdan sonra “Leypsiq” 37 xalla öndədir. “Borussiya” (Mönhenqladbah) 35, “Bavariya” 33, “Borussiya” (Dortmund) və “Şalke” 30 xal yığıb.
Tətil 2020-ci il yanvarın 17-də başa çatacaq.
Gələn il yanvarın 10-dək nəfəs dərən Fransa çempionatında PSJ 18 oyuna 45, “Marsel” 19 oyuna 38, “Renn” 18 oyuna 33, “Lill” 19 oyuna 31 xal əldə edib.
İtaliya çempionatında “İnter” və “Yuventus” 17 oyuna 42 xalla ilk sıranı bölüşürlər. “Latsio” 16 oyuna 36, “Roma” 17 oyuna 35 xal qazanıb.
Tətil 2020-ci il yanvarın 5-dək davam edəcək.
2020-ci il yanvarın 3-dək tətildə olacaq İspaniya çempionatında “Barselona” 18 turda 39, “Real” 37, “Sevilya” 34, “Atletiko” 32 xal götürüb.
