Azərbaycan nefti 12 dollara yaxın bahalaşıb
London birjasında brent markalı neftin bir barreli 68,36 dollara, Nyu-York birjasında layt markalı neftin bir barreli 61,78 dollara satılır. Xəbəri dekabrın 30-da Energetika Nazirliyi yayıb.
Novator.az bildirir ki, Azərbaycan nefti “AzəriLayt”ın bir barrelinə 69,09 dollar qiymət qoyulub.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09, iyula 66,75, avqusta 67,44, sentyabra 60,85, oktyabra 63,36, noyabra 64,42, dekabra 66,21 dollarla start verib.
İl ərzində Azərbaycan nefti 11,9 dollar bahalaşıb.
Energetika Nazirliyinin rəsmi hesabatına əsasən, 2019-cu ilin yanvar-noyabr aylarında Azərbaycanın orta gündəlik neft hasilatı 764 min barrel olub.
Yanvarda 793 min barrel, fevralda 806 min barrel, martda 798 min barrel, apreldə 683 min barrel, mayda 776 min barrel, iyunda 768 min barrel, iyulda 778 min barrel, avqustda 749 min barrel, sentyabrda 755 min barrel, oktyabrda 718 min barrel, noyabrda 776 min barrel gündəlik hasilat qeydə alınıb.
