Bədən Tərbiyəsi və İdman Akademiyası yeni səlahiyyət aldı
Nazirlər Kabineti doktoranturalar yaradılan ali təhsil müəssisələrinin, elmi müəssisə və təşkilatların siyahısında dəyişiklik edib. Novator.az-ın məlumatına görə, siyahının Əmək və Əhalinin Sosial Müdafiəsi Nazirliyi bölməsi ləğv edilib.
Əmək və Sosial Problemlər üzrə Elmi-Tədqiqat və Tədris Mərkəzinin fəlsəfə doktoru üzrə doktorantura yaratmaq səlahiyyəti vardı. Prezident İlham Əliyevin 18 yanvar 2019-cu il fərmanı ilə Əmək və Əhalinin Sosial Müdafiəsi Nazirliyi həmin mərkəzin fəaliyyətini dayandırıb.
Nazirlər Kabinetinin qərarı Gənclər və İdman Nazirliyi üzrə bölmə yaradılmasını da nəzərdə tutur. Yeniliyə əsasən, Azərbaycan Dövlət Bədən Tərbiyəsi və İdman Akademiyası fəlsəfə doktoru üzrə və elmlər doktoru üzrə doktorantura yaratmaq səlahiyyəti alıb.
