İcbari tibbi sığortanın tətbiq qrafiki
Nazirlər Kabineti icbari tibbi sığortanın inzibati ərazi vahidləri üzrə tətbiqi ardıcıllığını təsdiqləyib. Novator.az bildirir ki, qərara əsasən, qrafik belə müəyyən olunub:
Naxçıvan Muxtar Respublikasının şəhər və rayonları, Mingəçevir şəhəri, Qusar, Xaçmaz, Quba, Şabran, Siyəzən, Xızı, Qobustan, İsmayıllı, Ağsu, Şamaxı, Balakən, Zaqatala, Qax, Şəki, Oğuz, Qəbələ, Göyçay, Ucar, Zərdab, Kürdəmir, Yevlax və Ağdaş rayonları – 2020-ci ilin yanvar-mart aylarında;
Gəncə və Naftalan şəhərləri, Qazax, Ağstafa, Tovuz, Şəmkir, Gədəbəy, Daşkəsən, Samux, Göygöl, Goranboy, Xocalı, Beyləqan, Xocavənd, Ağcabədi, Laçın, Bərdə, Füzuli, Ağdam, Tərtər və Kəlbəcər rayonları – 2020-ci ilin aprel-iyun aylarında;
Şirvan şəhəri, Astara, Lənkəran, Lerik, Yardımlı, Masallı, Cəlilabad, Neftçala, Biləsuvar, Cəbrayıl, Salyan, İmişli, Saatlı, Sabirabad və Hacıqabul rayonları – 2020-ci ilin iyul-sentyabr aylarında;
Bakı, Sumqayıt, Xankəndi şəhərləri, Abşeron, Qubadlı, Zəngilan və Şuşa rayonları – 2020-ci ilin oktyabr-dekabr aylarında.
2017-ci ilin yanvarından ölkədə icbari tibbi sığortanın pilot layihə şəklində həyata keçirilməsinə başlanıb. Pilot layihə ilk olaraq Mingəçevir şəhərini və Yevlax rayonunu əhatə edib, 2018-ci ildən Ağdaş rayonunun ərazisində də tətbiq olunub.
“Tibbi sığorta haqqında” qanun dekabrın 24-də yenilənib. Həmin gün imzaladığı fərmanla prezident Nazirlər Kabinetinə xidmətlər zərfini on gün müddətində müəyyən etməyi tapşırıb.
