Bu il şəhid ailələri və müharibə əlilləri 815 ev alıb
Əmək və Əhalinin Sosial Müdafiəsi Nazirliyi Masallı, Cəlilabad, Xaçmaz, Yevlax, Bərdə, Tərtər, Ağdam, Ağcabədi, Zərdab, İmişli, Saatlı, Sabirabad və digər rayonlarda yeni tikilmiş 81 fərdi yaşayış evini şəhid ailələri və Qarabağ müharibəsi əlillərinin istifadəsinə verib. Dekabrın 27-də keçirilən tədbirlərdə bildirilib, şəhid ailələrinə və ölkənin ərazi bütövlüyünün, müstəqilliyinin, konstitusiya quruluşunun müdafiəsi ilə əlaqədar əlilliyi olan şəxslərə 2019-cu ildə 934 mənzil və fərdi ev verilməsi nəzərdə tutulub, onlardan 815-i təqdim olunub.
Hesabata görə, şəhid ailələri və müharibə əlilləri indiyədək nazirlikdən 7471 mənzil və fərdi ev alıb.
