Birinci vitse-prezidentlər bəlli oldu
Dekabrın 28-də Azərbaycan Milli Elmlər Akademiyasının (AMEA) ümumi yığıncağı keçirilib.
Yığıncaqda akademiyanın nizamnaməsinə dəyişikliklər edilib və yeni yaradılan birinci vitse-prezidentlər postuna seçkilər olub.
Birinci vitse-prezident postu AMEA-da iki sahə üzrə təsis edilib.
Humanitar və ictimai elmlər üzrə birinci vitse-prezident vəzifəsinə akademik İsa Həbibbəyli, təbiət elmləri və dəqiq elmlər üzrə birinci vitse-prezident postuna akademik İbrahim Quliyev seçilib.
İsa Həbibbəyli və İbrahim Quliyev buna qədər AMEA-nın vitse-prezidentləri idilər.
AMEA-nın prezidenti akademik Ramiz Mehdiyevdir.
