Avro 1 manat 90 qəpik həddini keçdi
Dekabrın 28-də avronun rəsmi məzənnəsi 1,9001 manata yüksəlib. Novator.az bildirir ki, bu, son üç ay yarım ərzində ilk belə haldır. Avro 2019-cu ilə 1,9323 manatla başlayıb. 25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb. Avqustun 14-dən rəsmi kurs yenə 1 manat 90 qəpikdən aşağı idi.
Mərkəzi Bank ABŞ dollarına 1,7, Gürcüstan larisinə 0,5936, Rusiya rubluna 0,0273, Türkiyə lirəsinə 0,2857 manat qiymət qoyub (Valyutalar).
Dolların rəsmi qiyməti 2018-ci il martın 7-dən qüvvədədir. Lari 2019-cu ildə 0,6346, rubl 0,0245, lirə 0,3141 manatla start götürüb.
Dövlət Neft Fondu manatın qorunması üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 707,4 milyon ABŞ dolları məbləğində vəsait sərf edib.
