Ən yüksək maaş hansı sahədədir?
Dövlət Statistika Komitəsinin hesabatına görə, Azərbaycan iqtisadiyyatında muzdla çalışan işçilərin aylıq orta maaşı 2019-cu il noyabrın 1-nə 614,2 manata çatıb. Novator.az bildirir ki, iqtisadi fəaliyyət növləri üzrə ən yüksək orta maaş mədən sənayesində qeydə alınıb – 3002,1 manat.
Maliyyə və sığorta fəaliyyəti sahəsində orta maaş 1632,8 manat; peşə fəaliyyəti, elmi və texniki fəaliyyət sahəsində 1153,2 manat; informasiya və rabitədə 983,9 manat; nəqliyyat və anbar təsərrüfatında 834,1 manat göstərilir.
Qalan sahələrdə rəsmi orta maaş göstəriciləri belədir:
dövlət idarəetməsi və müdafiə; sosial təminat – 730,3 manat;
tikinti – 722,5 manat;
elektrik enerjisi, qaz və buxar istehsalı, bölüşdürülməsi və təchizatı – 632,5 manat;
emal sənayesi – 623,4 manat;
turistlərin yerləşdirilməsi və ictimai iaşə – 564,3 manat;
daşınmaz əmlakla əlaqədar əməliyyatlar – 544,8 manat;
ticarət; nəqliyyat vasitələrinin təmiri – 462,5 manat;
su təchizatı, tullantıların təmizlənməsi və emalı – 442,5 manat;
təhsil – 421,4 manat;
istirahət, əyləncə və incəsənət sahəsində fəaliyyət – 397 manat;
inzibati və yardımçı xidmətlərin göstərilməsi – 378,9 manat;
kənd təsərrüfatı, meşə təsərrüfatı və balıqçılıq – 350,1 manat;
əhaliyə səhiyyə xidməti və sosial xidmətlərin göstərilməsi – 334 manat;
digər sahələrdə xidmətlərin göstərilməsi – 610,5 manat.
Sentyabrın 1-dən Azərbaycanda minimum əməkhaqqı 250 manatdır.
