Naxçıvanın sosial-iqtisadi göstəriciləri
Naxçıvan Muxtar Respublikasının Dövlət Statistika Komitəsi yeni göstəricilər açıqlayıb. Novator.az bildirir ki, hesabata görə, 2019-cu ilin yanvar-noyabr aylarında ümumi daxili məhsul istehsalı bir il öncəki göstəricini 1,5 faiz ötərək 2,5 milyard manata yaxınlaşıb. Hər nəfərə düşən ümumi daxili məhsul 5440,6 manat göstərilir.
11 ayda sənaye məhsulu istehsalında ötən ilin müvafiq dövrü ilə müqayisədə 1,3 faiz, sərmayə yatırımında 1,3 faiz, kənd təsərrüfatı məhsulu istehsalında 4,4 faiz artım qeydə alınıb.
Xarici ticarət dövriyyəsinin 0,4 faiz, ixracın 0,3 faiz, idxalın 1,5 faiz yüksəldiyi xəbər verilir.
Rəsmi hesabata əsasən, muxtar respublikada bir işçiyə hesablanmış orta aylıq əməkhaqqı noyabrın 1-nə 468,4 manat olub.
