Vladimirdən Vladimirə: keçmiş sovetlərdə prezidentlər
2003-cü ildən Azərbaycanın prezidenti olan İlham Əliyev 1961-ci il təvəllüdlüdür. Novator.az bildirir ki, keçmiş SSRİ məkanında dörd dövlət başçısı İlham Əliyevdən cavandır: 1978-ci il təvəllüdlü Vladimir Zelenski (2019-cu ildən Ukrayna prezidenti), 1975-ci il təvəllüdlü İqor Dodon (2016-cı ildən Moldova prezidenti), 1969-cu il təvəllüdlü Kersti Kalyulayd (2016-cı ildən Estoniya prezidenti), 1964-cü il təvəllüdlü Gitanas Nauseda (2019-cu ildən Litva prezidenti).
Keçmiş sovetlərdə İlham Əliyevdən yaşlı on prezident var.
Qırğızıstan prezidenti Sooronbay Jeenbekov 1958-ci ildə doğulub. 2017-ci ildən dövlət başçısıdır.
Özbəkistan prezidenti Şövkət Mirziyayev 1957-ci ildə doğulub. 2016-cı ildən dövlət başçısıdır.
1957-ci il təvəllüdlü Qurbanqulu Berdiməhəmmədov 2007-ci ildən Türkmənistan prezidentidir.
2019-cu ildən Latviya prezidenti olan Eqils Levits 1955-ci ildə doğulub.
Belarusun dövlət başçısı Aleksandr Lukaşenko 1954-cü ildə doğulub. 1994-cü ildən prezidentdir.
1953-cü il təvəllüdlü Qasım-Comərd Tokayev 2019-cu ildən Qazaxıstan prezidentidir.
Ermənistan prezidenti Armen Sərkisyan 1953-cü ildə doğulub. 2018-ci ildən prezidentdir.
Gürcüstan prezidenti Salome Zurabişvili 1952-ci ildə doğulub. 2018-ci ildən dövlət başçısıdır.
1952-cı ildə doğulan İmaməli Rəhman 1992-ci ildən Tacikistanın dövlət başçısıdır. 1994-cü ildən prezident postunu tutur.
Rusiya prezidenti Vladimir Putin 1952-ci ildə doğulub. 2000-2008-ci illərdə prezident, 2008-2012-ci illərdə baş nazir olub. 2012-ci ildən yenidən prezidentdir.
