Seçici fəallığı: yeni statistika
Mərkəzi Seçki Komissiyası 23 dekabr bələdiyyə seçkiləri ilə bağlı yeni açıqlama yayıb. Məlumata görə, gündüz saat 12-dək səsverməyə 898 min 542 nəfər və ya ümumi seçicilərin 18,07 faizi qatılıb.
118 dairəni, 5049 məntəqəni əhatə edən seçkilərdə 1606 bələdiyyəyə 15156 nəfər seçilməlidir. 4 milyon 972 min 356 nəfərin səsvermə hüququ var.
Seçkilərə Yeni Azərbaycan Partiyası, Demokratik İslahatlar Partiyası, Böyük Quruluş Partiyası, Vətəndaş Birliyi Partiyası, Bütöv Azərbaycan Xalq Cəbhəsi Partiyası, Milli Dirçəliş Hərəkatı Partiyası, Demokratik Maarifçilik Partiyası, Sosial Demokrat Partiyası, Ümid Partiyası, Ana Vətən Partiyası, Vətəndaş Həmrəyliyi Partiyası, Vəhdət Partiyası, Respublikaçılar Partiyasının təmsilçiləri, həmçinin partiyasız şəxslər qoşulublar.
Seçicilərin ən çox səsini toplayan namizədlər bələdiyyə üzvlərinin sayına bərabər olaraq müvafiq bələdiyyəyə üzv seçilmiş hesab ediləcək.
Mərkəzi Seçki Komissiyası ən geci 25 gün müddətində bələdiyyə seçkilərinin yekunlarını elan etməlidir.
