Bakıda orta maaş nə qədərdir?
Bakı Şəhər Statistika İdarəsi yeni göstəricilər açıqlayıb. Novator.az bildirir ki, rəsmi hesabata görə, 2019-cu ilin yanvar-noyabr aylarında paytaxtda 36 milyard manatlıq sənaye məhsulu istehsal olunub xidmətlər göstərilib. Sənaye məhsulunun 80,5 faizinin mədən sektoruna aid olduğu vurğulanır.
Açıqlamaya əsasən, 11 ayda ticarət dövriyyəsinin həcmi 2018-ci ilin yanvar-noyabr ayları ilə müqayisədə 3,6 faiz, ictimai iaşə dövriyyəsi real ifadədə 7,5 faiz, əhaliyə göstərilən ödənişli xidmətlərin dəyəri real ifadədə 2,4 faiz artıb.
Qeyd olunur ki, muzdla işləyənlərin orta aylıq nominal əməkhaqqı 923,8 manata çatıb.
