Azərbaycan azadlıq reytinqində 121-ci yerdədir
ABŞ-ın Katon İnstitutu, Kanadanın Freyzer İnstitutu, Almaniyanın Fridrix Naumann Fondu daha iki beynəlxalq qurumun tərəfdaşlığı ilə İnsan Azadlığı İndeksi tərtib edib. Novator.az-ın məlumatına görə, 162 ölkənin yer aldığı reytinq şəxsi, mülki və iqtisadi azadlıq meyarlarına əsaslanır.
İnsan Azadlığı İndeksinin ilk onluğunda Yeni Zelandiya, İsveçrə, Honkonq, Kanada, Avstraliya, Danimarka, Lüksemburq, Finlandiya, Almaniya, İrlandiya dayanır.
Estoniya 15-ci, Litva 22-ci, Latviya 23-cü, Gürcüstan 41-ci, Ermənistan 54-cü, Qırğızıstan 67-ci, Moldova 71-ci, Qazaxıstan 73-cü, Rusiya 114-cü, Ukrayna 118-ci, Azərbaycan 121-ci, Türkiyə 122-ci, Tacikistan 138-ci, İran 154-cü yeri tutur.
Siyahını Suriya qapayır.
