Məşğulluq və işsizlik hesabatı
2019-cu il dekabrın 1-nə Azərbaycanda iqtisadi fəal əhalinin sayı 5 milyon 194,7 min nəfər olub, onların 4 milyon 942,7 min nəfərini məşğul əhali təşkil edib. Novator.az bildirir ki, Dövlət Statistika Komitəsi noyabrın 1-nə muzdla işləyənlərin sayını 1 milyon 641 min nəfər göstərib. Hesabata görə, iqtisadiyyatın neft-qaz sektorunda 34,9 min nəfər, digər sektorlarında 1 milyon 606,1 min nəfər çalışıb.
Dekabrın 1-nə məşğulluq xidməti orqanları 79,7 min nəfəri işsiz kimi qeydiyyata alıb. İşsizlikdən sığorta ödənişinin orta məbləği 278,6 manat göstərilir.
