Xərclənən pulun 45,9 faizi ərzağa gedir
Dövlət Statistika Komitəsi pərakəndə ticarət dövriyyəsi haqqında hesabat yayıb. Novator.az bildirir ki, rəsmi məlumata görə, 2019-cu ilin yanvar-noyabr aylarında pərakəndə ticarət şəbəkəsində satılmış məhsulların dəyəri əvvəlki ilin eyni dövrünün səviyyəsini müqayisəli qiymətlərlə 3,5 faiz üstələyərək 34,4 milyard manata bərabər olub.
Ticarət dövriyyəsinin 17,4 milyard manatının ərzaq məhsulları, içkilər və tütün məmulatlarının, 17 milyard manatının qeyri-ərzaq məhsullarının payına düşdüyü vurğulanır.
Hesabata əsasən, alıcıların son istehlak məqsədilə aldıqları mallara xərclədiyi vəsaitin 45,9 faizi ərzaq məhsullarının alınmasına sərf olunub.
Əhalinin bir nəfərinə düşən orta aylıq pərakəndə ticarət dövriyyəsi 316 manat göstərilir.
