Senatda erməni havası
ABŞ Konqresinin yuxarı palatası – Senat dekabrın 12-də qondarma erməni soyqırımını tanıyan qətnamə qəbul edib. Novator.az-ın məlumatına görə, qətnamə barədə açıqlama yayan Amerika Erməniləri Milli Komitəsi bildirir ki, bu, Senatdan keçən ilk belə sənəddir.
Konqresin aşağı palatası – Nümayəndələr Palatası analoji qətnaməyə bu il oktyabrın 29-da səs verib.
Saxta soyqırımı iddialarına əsasən, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək bir çox ölkə (Fransa, İtaliya, İsveç, İsveçrə, Avstriya, Niderland, Belçika, Lüksemburq, Yunanıstan, Kipr, Danimarka, Polşa, Çexiya, Slovakiya, Vatikan, Litva, Rusiya, Kanada, Uruqvay, Braziliya, Argentina, Çili, Venesuela, Boliviya, Livan və s.), bəzi beynəlxalq qurumlar rəsmən tanıyıb.
