Məzənnələr necə dəyişib?
Dekabrın 13-də ABŞ dollarının rəsmi kursu 1,7 manat səviyyəsində saxlanıb. Bu qiymət 2018-ci il martın 7-dən qüvvədədir.
Mərkəzi Bank avronun məzənnəsini 1,8991 manata qaldırıb. Avro 2019-cu ilə 1,9323 manatla başlayıb. 25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb. Avqustun 14-dən rəsmi məzənnə yenə 1 manat 90 qəpikdən aşağıdır.
Novator.az-ın məlumatına görə, dəyər artıran Gürcüstan larisi banklara 0,6, Rusiya rublu 0,0271, Türkiyə lirəsi 0,2940 manata təklif olunur (Valyutalar).
Lari bu il 0,6346, rubl 0,0245, lirə 0,3141 manatla start götürüb.
Dövlət Neft Fondu manatın qorunması üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 707,4 milyon ABŞ dolları məbləğində vəsait satıb.
