Finlandiyada qadın koalisiyası
Finlandiya parlamenti dekabrın 10-da Sosial Demokrat Partiyasından Sanna Marini baş nazir postuna təsdiqləyib. Novator.az-ın məlumatına görə, 1985-ci il təvəllüdlü Sanna Marin əvvəlki hökumətdə nəqliyyat və rabitə naziri olub.
Bir müddət Tampere şəhərinin administrasiyasına başçılıq edən Sanna Marin 2015-ci ildə ilk dəfə deputat seçilib.
Ölkədə bu il aprelin 14-də keçirilmiş parlament seçkisində Sosial Demokrat Partiyası üstün gələrək digər dörd partiya ilə koalisiya hökuməti qurub. Həmin partiyalara qadınlar liderlik edir.
Dekabrın 3-dək hökumətə rəhbərlik edən Antti Rinne koalisiyada fikir ayrılıqları üzündən baş nazir postundan istefa verib.
