Finiş ərəfəsində
UEFA-nın baş klub turniri olan Çempionlar Liqasının qrup mərhələsində son tur start götürüb. Novator.az-ın məlumatına görə, dekabrın 10-da keçirilən oyunlarla E qrupundan “Liverpul” (İngiltərə), “Napoli” (İtaliya), F qrupundan “Borussiya” (Dortmund, Almaniya), G qrupundan “Lion” (Fransa), H qrupundan “Valensiya” (İspaniya), “Çelsi” (İngiltərə) 1/8 finala adlayıblar.
A qrupundan PSJ (Fransa), “Real” (İspaniya), B qrupundan “Bavariya” (Almaniya), “Tottenhem” (İngiltərə), C qrupundan “Mançester Siti” (İngiltərə), D qrupundan “Yuventus” (İtaliya), F qrupundan “Barselona” (İspaniya), G qrupundan “Leypsiq” (Almaniya) növbəti mərhələyə daha əvvəl çıxıblar.
1955-ci ildə yaradılmış, 1991-ci ilə qədər Çempionlar kuboku adlanmış turniri “Real” 13, “Liverpul” 6, “Bavariya” və “Barselona” 5, “Yuventus” 2, “Borussiya” və “Çelsi” 1 dəfə zirvədə tamamlayıb.
