Lujkov öldü
Rusiya paytaxtı Moskvanın sabiq meri Yuri Lujkov dekabrın 10-da vəfat edib. Novator.az-ın məlumatına görə, Almaniyanın Münhen şəhərindəki xəstəxanaların birində keçinən Yuri Lujkovun ürək xəstəliyindən əziyyət çəkdiyi açıqlanıb.
Yuri Lujkov 1936-cı ildə Moskvada anadan olub. Moskva Neft-Kimya və Qaz Sənayesi İnstitutunu bitirib. Uzun müddət neft-kimya sahəsində rəhbər vəzifələrdə çalışıb. Moskva Şəhər Xalq Deputatları Sovetinin və Rusiya Federasiyası Ali Sovetinin deputatı olub. 1992-ci ildə Moskva meri vəzifəsinə gətirilən Yuri Lujkov 18 il Rusiya paytaxtına rəhbərlik edib, 2010-cu il sentyabrın 28-də istefaya göndərilib.
