Böyük beşlikdə durum
İngiltərə milli futbol çempionatında 16-cı tur dekabrın 9-da başa çatır. Novator.az-ın məlumatına görə, hazırda turnir cədvəlinə 46 xalla “Liverpul” başçılıq edir. “Lester” 38, “Mançester Siti” 32, “Çelsi” 29 xal götürüb.
İspaniya çempionatında “Barselona” və “Real” 15 oyuna 34 xalla öndə dururlar. 16 oyun keçirən “Sevilya”nın 31, “Xetafe” və “Real Sosyedad”ın 27 xalı var.
İtaliya çempionatında 15 turun ardından 38 xalla “İnter” ilk sıradadır. “Yuventus” 36, “Latsio” 33, “Kalyari” və “Roma” 29 xal qazanıb.
Almaniya çempionatına 14 turda 31 xal götürən “Borussiya” (Mönhenqladbah) başçılıq edir. “Leypsiq” 30, “Borussiya” (Dortmund) 26, “Şalke”, “Frayburq” və “Bayer 25, “Bavariya” 24 xal yığıb.
Fransa çempionatında PSJ 16 oyuna 39, “Marsel” 17 oyuna 34, “Lill” 28 xal əldə edib.
