Rusiyanın ixracı 5,6% azalıb
Federal Gömrük Xidməti Rusiyanın yanvar-oktyabr ayları üzrə xarici ticarət göstəricilərini açıqlayıb.
Novator.az-ın məlumatına görə, 2019-cu ilin 10 ayında xarici ticarətdə müsbət saldonun 2018-ci ilin eyni dövrü ilə müqayisədə 13,9% azalaraq 146,8 milyard dollara endiyi bildirilir.
10 ayda ixracın həcmi 5,6% azalaraq 348,2 milyard dollar olub, idxal isə 1,5% çoxalaraq 201,4 milyard dollara çatıb.
Rusiyanın əsas xarici ticarət tərəfdaşları Avropa İttifaqı ölkələridir. Yanvar-oktyabr aylarında Rusiyanın xarici ticarət dövriyyəsinin 41,9%-i həmin ölkələrin payına düşüb.
Sonrakı yerlərdə 32%-lə Asiya-Sakit Okean İqtisadi Əməkdaşlıq Təşkilatı ölkələri, 12%-lə Müstəqil Dövlətlər Birliyi ölkələri, 8,5%-lə Avrasiya İqtisadi İttifaqı ölkələri gəlir.
Səidə Hüseynova
