Yeni icra başçıları təyin edildi
Dekabrın 4-də prezident İlham Əliyev Əhməd Muxtarovu Hacıqabul Rayon İcra Hakimiyyətinin başçısı vəzifəsindən azad edib.
Dövlət başçısının digər sərəncamı ilə Rüstəm Xəlilov Hacıqabul Rayon İcra Hakimiyyətinin başçısı təyin olunub.
1951-ci il təvəllüdlü Əhməd Muxtarov 2006-cı ilin martından Hacıqabul rayonunun icra başçısı idi.
1958-ci il təvəllüdlü Rüstəm Xəlilov 64 saylı Sabirabad ikinci seçki dairəsindən deputatdır. Yeni Azərbaycan Partiyasının üzvüdür.
Dekabrın 4-də dövlət başçısı Vüqar Novruzovun Naftalan Şəhər İcra Hakimiyyətinin başçısı təyin edilməsi haqda da sərəncam imzalayıb.
39 yaşlı Vüqar Novruzov Texniki Universitetdə, Dövlət İqtisad Universitetində və Dövlət İdarəçilik Akademiyasında təhsil alıb. 2002-2007-ci illərdə Hesablama Palatasında böyük mütəxəssis, məsləhətçi, sektor müdiri, 2007-2019-cu illərdə Prezident Administrasiyasının ərazi-təşkilat məsələləri şöbəsində məsləhətçi, baş məsləhətçi vəzifələrində çalışıb. 2019-cu il sentyabrın 27-dən Xəzər Rayon İcra Hakimiyyəti başçısının müavini olub. Yeni Azərbaycan Partiyasının üzvüdür.
Naftalan Şəhər İcra Hakimiyyətinin əvvəlki başçısı Rövşən İbrahimov 2019-cu ilin fevralında vəfat edib.
