Nazirlər Kabineti Aparatının strukturu
Novator.az Nazirlər Kabineti Aparatının yenilənmiş strukturunu təqdim edir:
Baş nazirin Katibliyi
Baş nazirin birinci müavininin xidməti
Baş nazirin müavinlərinin xidmətləri
Aparat rəhbərinin xidməti
İqtisadiyyat şöbəsi
Xarici iqtisadi əlaqələr şöbəsi
Beynəlxalq əməkdaşlıq şöbəsi
Hüquq və qanunvericilik şöbəsi
Sosial məsələlər şöbəsi
Humanitar məsələlər şöbəsi
Sənaye və energetika şöbəsi
Aqrar və ekologiya şöbəsi
Regionların inkişafı şöbəsi
Tikinti, şəhərsalma və kommunal təsərrüfat şöbəsi
Nəqliyyat, kommunikasiya və innovasiya şöbəsi
Təhlükəsizlik, müdafiə və səfərbərlik şöbəsi
Ümumi şöbə
Mətbuat xidməti
İşlər İdarəsi.
Əsasnaməsinə görə, Nazirlər Kabinetinin Aparatı ali kateqoriyalı dövlət orqanıdır. Aparat Prezident Administrasiyası və mərkəzi icra hakimiyyəti orqanları ilə qarşılıqlı əlaqəli surətdə fəaliyyət göstərir, bilavasitə baş nazirə və onun müavinlərinə tabedir.
Aparata Rüfət Məmmədov rəhbərlik edir.
Prezidentin yuxarı icra orqanı olan Nazirlər Kabinetinə baş nazir, onun müavinləri, nazirlər və başqa mərkəzi icra hakimiyyəti orqanlarının rəhbərləri daxildir. Qurumun əsas səlahiyyətləri dövlət büdcəsinin hazırlanması və icrası, maliyyə-kredit və pul siyasətinin, dövlət iqtisadi və sosial proqramlarının həyata keçirilməsi, nazirliklərə və digər mərkəzi icra hakimiyyəti orqanlarına rəhbərlikdir.
Baş nazir postunu Əli Əsədov tutur.
Hökumətdə 17 nazirlik var: Xarici İşlər Nazirliyi; Müdafiə Nazirliyi; Müdafiə Sənayesi Nazirliyi; Ədliyyə Nazirliyi; Daxili İşlər Nazirliyi; Fövqəladə Hallar Nazirliyi; Maliyyə Nazirliyi; İqtisadiyyat Nazirliyi; Kənd Təsərrüfatı Nazirliyi; Energetika Nazirliyi; Nəqliyyat, Rabitə və Yüksək Texnologiyalar Nazirliyi; Əmək və Əhalinin Sosial Müdafiəsi Nazirliyi; Təhsil Nazirliyi; Səhiyyə Nazirliyi; Mədəniyyət Nazirliyi; Ekologiya və Təbii Sərvətlər Nazirliyi; Gənclər və İdman Nazirliyi.
Kabinetin tərkibində 7 komitə (Dövlət Gömrük Komitəsi; Dövlət Statistika Komitəsi; Dövlət Şəhərsalma və Arxitektura Komitəsi; Qaçqınların və Məcburi Köçkünlərin İşləri üzrə Dövlət Komitəsi; Diasporla İş üzrə Dövlət Komitəsi; Dini Qurumlarla İş üzrə Dövlət Komitəsi; Ailə, Qadın və Uşaq Problemləri üzrə Dövlət Komitəsi), 5 xidmət (Dövlət Təhlükəsizliyi Xidməti; Xarici Kəşfiyyat Xidməti; Dövlət Sərhəd Xidməti; Dövlət Miqrasiya Xidməti; Səfərbərlik və Hərbi Xidmətə Çağırış üzrə Dövlət Xidməti) yer alır.
Dövlət Turizm Agentliyi; Qida Təhlükəsizliyi Agentliyi və Milli Arxiv İdarəsi də mərkəzi icra hakimiyyəti orqanlarıdır.
